Baturai pantun

Prakata

Kali ini saya ingin menuliskan beberapa kumpulan Pantun Bahasa Banjar koleksi saya, semoga dalam usaha saya ini akan mendapat hasil yang bisa dimanfaatkan untuk siapa saja yang membaca nya, kritik dan saran akan selalu direspon dengan baik,karena saya hanyalah blogger pemula yang ingin berbagi

   

Salam hangat 

Pantun nang pamulaan

Buah durian kulitnya baduri

Nukar langsat di Pahuluan

Amun bisa mambawa diri

Pasti salamat sampai katujuan


Buah mangga buah asam
Buah kutapi  kulit nya kuning
Sakit parut kusai wan balsam
Sakit nya hilang kawa takurihing


Batu akik lagi musim
Dimana-mana urang manguya
Hakikat hidup urang muslim
Jauh dari hidup nang kada sampuraka


Kamana mancari sibuah mangga
Amun balum sampai musimnya
Kamana mancari jalan ka syurga
Jagalah hati lawan iman nya


Amun handak mandulang intan
Cubalah Pian singgah ka Campaka
Amun handak jadi tuturutan
Jangan manggawi nang kada sampuraka

Amas intan itu harta dunia
Amal wan iman gasan di akhirat
Bagus baguslah hidup didunia
Bagus jua nang di dapat di akhirat


Amun handak mandadai anduk
Dadai anduk di lalaran 
Amun handak makan pilanduk
Bawa bahandup kada kadalam hutan


Pantun nang kadua


Dimana pian manyimpan baju
Manyimpan baju di lamari kamar
Abah mama sudah katuju
Babila pian datang malamar

Labuh baras kadalam lasung
Ditutuk disarakai jadi galapung
Babila kita bangun sung-sung
Insya Allah rezeki kada tadahulu burung


Balah kastila di bagi dua
Bijinya banyak kada kahitungan
Hidup kita ngini tabagi dua
Sapalih gasan dunia sapalih nya gasan hari pahitungan


Buah kundur wan buah waluh
Nyaman digangan bacampur santan
Banyak razaki jangan manguluh
Anak nang bakti mangganang wan kuwitan


Ambil sasapu dihiga lawang
Gasan manyapu halaman muka
Amun sugih di banua urang
Jangan kada ingat awan Banua


Ambil parang tabasi paring
Paring di ulah jadi laduman
Kapidara'an tabawa garing
Hati nang lagi dandaman


Dimana mancari pucuk katu
Cuba cari di ujung belokan
Dimana-mana lagi musim batu
Mungkin razaki buhan panggusukkan